მოდით ვისაუბროთ გარემოზე და გარემოს დაცვაზე 🌴 მეგობრებო გარემოს დაცვა გულისხმობს ყველა იმ ღონისძიებას, რომელიც მიზნად ისახავს ადამიანის და ბუნების სასიცოცხლო საფუძვლების მთლიანობაში შენარჩუნებას და გარემოს არსებული დაზიანებების აღმოფხვრას. აქ წინა პლანზე დგას ადამიანის მიერ გამოწვეული ზიანის შეზღუდვა. ანუ რაც შეიძლება უნდა შეიზღუდოს და შემცირდეს ზიანის მიყენება ადამიანის მხრიდან ბუნების მიმართ . მოგეხსენებათ დღეს გარემოს დაცვის მხრივ დიდი პრობლემებია სუფთა ჰაერი და ანკარა წყალი, მზის სხივები, მსუბუქი სიო და დილის ნამი, ფრინველთა გალობა და მობიბინე ბალახი – ეს ყველაფერი შეიძლება ერთ დღეს სანატრელი გაგვიხდეს…
აი, მაშინ კი ყველა ირწმუნებს იმ შემზარავ სიმართლეს, რასაც XX საუკუნის შუა წლებიდან მოყოლებული გვეუბნებიან მსოფლიოს ეკოლოგები – გარემოს დაცვა არის და იქნება უპირველესი პრობლემა დედამიწისთვის.
მე ვფიქრობ რომ ადამიანისათვის პირველ რიგში მნიშვნელოვანი უნდა იყოს გარემოს დაცვა რადგანაც ჯანსაღი გარემოს გარეშე აღარც პოლიტიკას ექნება აზრი და აღარც კულტურას, ადამიანი სიცოცხლის გაქრობის საშიშროების პირისპირ დარჩება…
დღესდღეობით ყველა ვხედავთ რომ ჩვენს გარშემო სამყარო შეიცვალა სადაც ადრე ტყეები და სკვერები იყო ეხლა ავტოსადგურებია , ტყეები გაჩეხილია ადამიანები დაუნდობლად ჩეხენ ნარგავებს – ზოგს მშენებლობის გამო, ზოგსაც იმიტომ, რომ გადაამუშაონ და თუნდაც ქაღალდით მოამარაგონ საზოგადოება… ჩვენ კი რატომღაც გვიკვირს, რატომ აღარ არის ადამიანი დღეს ისეთი ჯანმრთელი, როგორიც თუნდაც გასულ საუკუნეში იყო… ეს არის მწარე რეალობა რომელიც ყოველდღიურად მწვავდება და სწორედ ჩვენს ჯანმრთელობას უქმნის საფრთხეს .
კრეატიული ბლოგი :) 